مخلل ميس

المكونات

*انا كل مرة بعمل خمس ل سبع حبات خيار فيكم اتكترو كمية 

كيلو خيار 
ماء 
ملح خشن 
فلفل حار حسب رغبة ممكن توم ممكن شبت اي نكهة بترغبوها 
سكر 
خل تفاح 

(كميات بالوصفة بحكيلكم كيف تحسبوها )

خطوات التحضير

خيار يفضل من نوع الصغير ويكون طازج مغسول منظف على جوانب 

مرتبان على حجم كمية الخيار بنرتب حبات الخيار بشكل طولي وبينهم بنضع حبات فلفل حار وتوم مثلا وجزر 

١.بطنجرة كل كوب ماء بنضيفلو بنضيف معلقة ملح خشن (معلقة طعام )
يعني غلينا ١٠ اكواب ماء بنضيف ١٠ معالق ملح خشن 
٢.بنضيف على ٤ اكواب ماء معلقة سكر كبيرة . 
٣.بنغلي الماء وملح وسكر جيدا ونتركها تبردا تمااااما ... 
٤.بنضيف الماء المغلية المبردة على خيار وقد ما تاخد تاخد يعني المرتبان ٥٠٠مل تقريبا رح ياخد كاسة ونص بنضيف معلقة خل كبيرة لكل كوبين  بنسكرها باحكام 
نضع صحن عميق تحت المرتبان حتى لا يوسخ دنيا .
٥.نفتح على مخلل بعد اسبوع بكون نضج تماما وبالعافية 

الملخص :
*كل كوب ماء معلقة طعام ملح خشن 
*كل ٢ كوب ل ٤ كوب بنضيف معلقة سكر 
*كل ٢ كوب بنضيف معلقة كبيرة خل تفاح 
            اصنعيها بحب ⁦❤️⁩