اكليرEclair
المكونات
عجينة نص كوب ماء نص كوب حليب زبدة ١٠٠ غ حيوانية غير مملحة كوب طحين متعدد الاستعمالات ربع معلقة صغيرة ملح معلقة صغير سكر ٤ بيض بااارد من تلاجة الحشوة بيستري كريم كوبين حليب (معلقة فانيلا نوع منيح ) رح احطلكم صورتو بالصور 3/4 ثلث ارباع كوب سكر ناعم رشة ملح ١/٤ ربع كوب نشا ٤ صفار بيض (حجم كبير ) ٥٠ غ زبدة غير مملحة حيوانية للتغطية شوكليت شيب ٢٠٠ غ مع معلقتين زيت نباتي لتدويب
خطوات التحضير
انتبهو لتكنيك العمل رح اكتبو بتفصيل لينجح الالكير معكم من اول مرة للعجينة : ١. بطنجرة يفضل غير لاصقة نضغ نص كوب حليب ونص كوب ماء وسكر وملح وزبدة ونحركم منيح بعدين نضيفهم على نار لدوب زبدة ويسخن الحليب يعني درجة قبل غليان بنرفع الخليط على نار ونضيف الحليب ونحرك على سريع ونرجع نحطو على نار لتصير عنا عجينة نقدر نحطها بزاوية طنجرة .. ** بهاي الاثناء نقوم بتسخين الفرن من تحت بدرجة حرارة ٢٢٠ درجة سيلسيوس بصحن عميق بنضيف العجينة الي تكونت عنا بواسطة خفاقة الكيك على اقل سرعه بنحرك العجينة رح تتفتفت معنا مشان تبرد شوي بنجيب بيضة بيضة باردة من تلاجة بنضيف اول بيضة بنحركها مع خليط الطحين حتى تختفي تماما بنرجع نضيف كمان بيضة لتختفي تماما بنضيف تاالته ورابعة وهيك رح تتكون عنا خليط لا هو عجينة ولاهو كيك تقيل كتير بنجيب صينية الفرن نحط عليها ورق زبدة بنجيب كيس الكريما وبنحط فيه شكل نجمه ونحط فيو الخليط وبنبلش نشكل خطوط طول الاصبع تقريبا بشكل افقي نايم يعني ما بنرفع ايدنا تكون مايلة ونبعدهم على بعض شي اصبع ٣ بين كل وحدة وحدة برف الوسط نضع الصينية اول ١٠ دقائق بنخليها على حرارة ٢٢٠ بعدين بعد ١٠ دقائق وانتبهو ابدااااا ما تفتحو عليها وهية بالفرن بتوطو الحرارة لدرجة ١٨٠ لمده ٣٠ دقيقة وبعدها بتطفو الفرن وبطلعو من الفرن وتتركو يبرد تماما لنشتغل فيه .. الحشوة بنحط كوبين حليب وفانيلا على نار ليغلي ونطفي تحتو بصحن بنضيف سكر ونشا وملح وبيض بنحركم منيح بواسطة خفاقة اليد ليصير قوام ناعم بنصير نسكب شوي شوي من خليب السخن على خليط ونحرك بسرعه دون توقف بنرجع نحطهم بطنجرة ونحركهم مابنتركهم مشان ماينحرقوا ليتقل الخليط بعدين بنحطو بصحن عميق بنضيف زبدة وبنحرك بسرعه وبنجيب ورق نايلون وبنغطي على خليط يعني بنقرب نايلون على خليط مشان ما يكون جلدة عليه ويخرب وبنتركو بتلاجة اقل شي ٤ ساعات وبنحطو بكيس الكريما بعدين بنعمل فتحات من الالكير الي خبزنا من تحت ونبلش نحط البيستري كريم بندوب الشوكلاته مع نقطيتن زيت على حمام مائي وبنبلش نغطس حبات الاكلير فسه بنحطهم بتلاجة قبل تقديم اقل شي بساعه وبالعافية تذوقو وتمتعو كتير سهل نزلت فيديو فيكم تشوفو