دجاجة made with airfryer ببهارات الباربكيو
المكونات
دجاجة كاملة وزن ١٢٠٠ ل ١٤٠٠ مش اكتر من هيك خلطة نقع الاولى ربع كوب خل معلقتين زيت معلقتين عصير ليمون خلطة نقع قبل بليلة م ك بهارات بابريكا مدخنة م ك ملح م ص بابريكا عادية م ص بودرة توم م ص بودرة بصل م ص بهار ابيض م ص سكر بني م ص فلفل اسود م ص من بهارات الماجي ربع كوب زيت زيتون
خطوات التحضير
اول خطو دجاجة منظفة منيح مقطعة الزوائد الي مابنحتاجها تاني خطوة بنعمل شقوق فيها من كل اتجهات بسكينه حادة تالت خطوة بننقعها بالخل وزيت وليمون اكتر وقت ممكن اقل شي ساعتين رابع شي بنجيب خلطة نقع تانية بهارات الباربكيو وبنفركها بدجاجة منيح من كل جهات يمين شمال فوق تحت بنعملها مساج جوه جلد برة الجلد وبنغلفها بنايلون بنخليها لتاني يوم اجى وقت تحضير يعني بدكم تاكلو كمان ساعتين بتجيبو سلة القلاية الهوائية وبتخلو ظهر فوق صدر تحت بتشغلو القلاية حرارة ١٧٠ حطوها لمدة ساعه وربع واخر ربع ساعه لفوها على جهة تانية وحمرو صدر على خبز عربي او شراك المتوفر حطو دجاجة وكل زيت الي طلع منها ارجعو حطو عليها خليها تسقسق الدجاجة والخبزة قدموها مع صحن رز ومتومة وبالعافية